Primeur beej V.V. de Worteleschrabbers

image_pdf

Op 5 november j.l. is veur ût iers in de historie van Vastelaoves Vereiniging de Worteleschrabbers de titel erelid oetgereikt.

Ruud Jacobs mocht, as aaftredend sikkertaris, op de jaorvergadering onder toeziend aug van de aanwezige leeje de titel erelid in ontvangst neme van veurzitter Freek Kusters. Neet zonger reeje: sinds 1993 lid van de Worteleschrabbers en daornaast tal van functies binne de vereiniging, te weite: jaore in de raod van ellef, 17 jaor sikkertaris, 2x adjudant en in 2009 zelfs prins van ’ût Worteleschrabbersriék’.

 

Auk jubileerde Jo Timmermans (1×11), Mieke Coenen (1×11), Rob Coenen (2×11) en Jos Grubben (2×11) tiedes de jaorvergadering.

 

Via deze weeg wille weej Ruud en de jubilarisse bedanke veur al de toewijding en inzet binne de Vastelaoves Vereiniging!                                                                           Names ût bestuur van V.V. de Worteleschrabbers

Erelid Ruud Jacobs (l) met veurzitter Freek Kusters
Secured By miniOrange