Vastelaovend jeugdtrio 2020

image_pdf

Leef Worteleschrabbers en Worteleschrabberinekes, 

7 fibberwari hebbe weej d’n Bookend op de kaart gezatte en de tent geslaote in Meerlo beej ut jeugprinssetreffe.

D’n daag daornao waar dan eindelik os eige receptie en hebbe weej super vuul felicitaties en kedoo’s onvange. Idderein dae d’r waas, bedank heej veur weej hebbe GENAOTE. 

Os avontuur is begos op ‘t jeugbal 1 fibberwari 2020. Ozze vorst Timo haet os met zien wieze weurd bekend gemak en os de res van deze schoëne vastelaovend begeleid. Weej ware zoë opgelucht det we eindelik köste zegge det weej ut nieje trio van dit decennium zien. D’n daag daornao hebbe weej os hoëze klaor gemak veur de vastelaovend en ware weej ech klaor veur dit groëte fiës. 

Nao os drökke receptie hebbe weej nog ff gespronge en gedans met idderein in de zaal en ‘t biezonder ut groëte trio: Prins Jan 6e, adjudanten Freek en Ruud.

Zondaagmorge tiedes de prinssemis hebbe we naeve ut beeje auk met de kaerskes geexpirimenteerd. Rooj ens….. ze zien allemaol oetgegaon.  De maondaag daornao zien weej meij gevraogd naor café ‘t letste rundje waor weej gezonge hebbe met Ben Verdellen. 

Vriedaag 14 fibberwari hebbe weej in Holt-Blierick de boel op stelte gezatte en hebbe laote merke det d’n Bookend auk heej aanwezig waas. Zaoterdaag heije weej eine drukke daag: ‘s ochtends op de foto met alle prinselikke hoëgheden van groët Venlo en ‘s middaags 2 recepties van de kwas en de päörtjes. ‘s Aovends ware weej te gast beej HVB. Det is de sportclub van Prinses Iva en adjudante Britt. 

Zondaag  ware weej weer te vinde in Blierick, dit kier beej de receptie van de Wortelepin. Daornao ginge weej truuk nao de Bookend, want daor waas de receptie van de groëte prins. Heej hebbe weej nog eine late nach belaefd en hebbe weej gedans en gespronge! 

‘T weekend daornao op vriedaag zien weej beej OBS Harlekijn en de Bekkerie gewaes. Daor waas ‘t allebei hiel gezellig! ‘s Middaags ginge weej naor Span in ‘t Raodhoës. ‘s Aovends waar ozze eige jeugdisco waor huul vuul leuke kiendjes hiel moei verkleid ware. Op zondaag ging helaas de groëte Bliërickse optoch neet daor maar weej hebbe d’r alsnog ein feesje van gemak in de Boos. Maondaag ging gelukkig de groëte Bookendse optoch wal door en waas d’r aansloetend Bookend zeukt femilie. Op deze aovend moste weej helaas aaftreeje waor d’r vuul traone zien gevalle umdet weej ‘t zoë jaomer vonde det ut now ech veurbeej is. 

Gelukkig heije weej unne bonusdaag umdet de groëte Blierickse optoch is verzatte naor zondaag 1 maart. Toen waas ut dan auk ech gedaon en vonde weej det hiel erg jaomer. Minse, weej hebbe GENAOTE auk van uch dus BEDANK heej veur. Dit waas unne super schoëne tied dae weej noëits mier vergaete! 

~ Jeugtrio 2020,

Prinses Iva (I) Klerken, adjudante Britt Gubbels en adjudante Lissy van Apeldoorn